Kash wo pal main wapas paoon...Dil karta hai fir bacha ban jaoon

A small composition dedicated to my childhood.

Din tha sayad wo ravivar,
Yaroon ke saath saikil pe hum sawaar,
Kisi baat ki na thi koi fikr,
Aur na kisi se tha koi takraar,
Kaash wo pal main wapas paaoon ,
Dil karta hai Fir bacha ban jaaoon...

Choti Choti ashaayein thi humari,
Usse chota tha apna sansaar,
Homework hi , humara tha sabse bada dushman,
Aur choclate hi tha,humara sabse bada pyar,
Kaash wo pal main wapas paaoon ,
Dil karta hai Fir bacha ban jaaoon...

Samay ne apna bal dikhlaya,
Hume bachpan se yowan pe patkaya,
Piche chute sathi sangi khel khilaune,
Ab to bus roz mehnat ke,pasine hai bahane.
Chalo sab apni kamar kas lo,
Utho jago puri takat jokh do,
Duniya ka bus ek hi khel,
Batwa bhari to sabka hai mel,
Kamjoron ko yahan koi nahi puchte,
Ye bachpan wala khel nahi jo tumhare girne par tumhe sath leke chalte.

Par samay mile to jaroor ye sochna,
Shikar pe bhi khusi nahi hai akele pahunchna,
Bus itni si baat mein batlaun,
Jiwan ka sahi arth tumhe samjaun,
Kaash wo pal main wapas paaoon ,
Dil karta hai Fir bacha ban jaaoon...